Zanmi toupatou,
Komite pou Avansman Lang Kreyòl la (KOMALAK) pran plezi pou envite ou nan selebrasyon Jounen Entènasyonal Lang ak Kilti Kreyòl, Edisyon 2021 an.
Akòz kontrent pandemi Koronaviris la okazyone, ane sa a ankò tout aktivite selebrasyon an ap dewoule atravè Zoom, nan dat 30 ak 31 oktòb 2021 an. N ap ouvè selebrasyon an samdi 30 oktòb la twa zè (3:00PM) nan apremidi avèk diferan prezantasyon pou souliyen valè lang ak kilti kreyòl la. Nan dimanch 31 oktòb la, a setè diswa (7:00PM), n ap boukle selebrasyon an ak yon bèl sware kiltirèl.
KOMALAK remèsye w alavans pou patisipasyon w avèk nou nan selebrasyon Jounen Entènasyonal Lang ak Kilti Kreyòl, Edisyon 2021 an.
Salitasyon ak respè,
Fred Williams, PhD
Kowòdonatè Jeneral KOMALAK